i پێناسەی بەش

زمانی ئینگلیزی ڕۆژ بەڕۆژ دەبێتە پێویستییەکی گرنگى تاک بەتاکى مرۆڤەکان، و هەنگاونان بەبێ زانینى زمانى ئینگلیزى ئەستەم دەبێت.

ئینگلیزی زمانی دەزگا ئەکادیمیەکانە و بەهێزترین زمانی لەیەک تێگەیشتن و خستنەڕووی زانیاری و زانست و توێژینەوەکانە. لە ئێستادا بە زمانى بزنس و بازاڕى کار دادەنرێت و دواى پسپۆڕی، بەمەرجى سەرەکی دەستکەوتنى کار دادەنرێت، لە زۆربەی وڵاتان هەوڵی ئەوە دەدرێت ببێتە زمانی دووەم لەدوای زمانی دایک.

زمانى ئینگلیزی پێویستیەکی سەرەکیە بۆ دەزگا پەروەردەییەکان و بازرگانی و دەزگای زانیاریەکان، بۆیە هەر کەسێک مامۆستا یان کارمەندی کۆمپانیا و ڕێکخراوەکان و وەرگێڕ کار بکات، ئاستی ئەکادیمی زمانەوانی ئینگلیزی وەک پێویست بێت، دەرفەتەکانى کارى زیاتر بەڕوودا دەکرێتەوە.

زمانی ئینگلیزی یەکێکە لە زمانە گرنگ و پێویستەکانی ئێستای مرۆڤەکان، کە بە هەموو شێواز و جۆرەکانی دەخوێنرێت و بەردەوام پەرەی پێدەدرێت لە ناوەندەکانی زانست و خوێندن لە هەموو وڵاتانی جیهان، چونکە بووەتە زمانێکی هاوبەشی جیهانی بۆ قسەکردن و دەرگایەکی بەهێزی بەستنەوەی پەیوەندییەکانە لە تەواوی جیهان.

• دەرچووانى بەشى ئینگلیزى لە پەیمانگەى تەکنیکى پایتەخت – تایبەت، بەپێى ڕێنمایەکانى وەزارەتى خوێندنى باڵا و توێژینەوەى زانستى، پشکی خۆیان لە بەشى ئینگلیزى هەیە و دەتوانن بۆ بەدەستهێنانى بڕوانامەى بەکالۆریۆس درێژە بە خوێندن بدەن.
• دەرچووانی پۆلی (١٢)ی ئامادەیی (زانستی، وێژەیی) وەردەگیرێن.
• کرێی خوێندنی ساڵانە بە (پێنج) پشک (قیست) دەدرێت بە پێی ڕێنماییەکانی پەیمانگاکەمان.
• بەهۆی بەرزی پێگەی بەشەکە و توانای بەهێزی قوتابییان، ساڵانە دەرچووانی ئەم بەشە بە ئاسانترین شێوە دەرفەتی کاریان لە قوتابخانە و کۆمپانیا و دامەزراوەکانی کەرتی تایبەت دەستدەکەوێت.

★ دیدی بەش

بوون بە یەکێک لە باشترین ناوەندەکانی پەروەردەی زمانی ئینگلیزی لە هەرێمی کوردستان، بەرهەمهێنانی دەرچووانێکی شارەزا لە زمانەوانی و مامۆستایەتی کە بتوانن بەشداری چالاک بکەن لە بواری پەروەردە و بازرگانی و پەیوەندییە نێودەوڵەتییەکان.

🎯 ئەرکی بەش

پێشکەشکردنی پەروەردەیەکی کوالیتی بەرز لە زمانی ئینگلیزیدا لەلایەن ستافێکی ئەکادیمی بەئەزموونەوە کە هەڵگری بڕوانامەی دکتۆرا و ماستەرن، بۆ ئامادەکردنی قوتابیان بۆ کارکردن وەک مامۆستا، وەرگێڕ، یان کارمەندی کۆمپانیا و ڕێکخراوەکان.

✓ دەرئەنجامەکانی فێربوون لە بەش

1. پیشاندانی شارەزاییەکی دامەزراو لە چوار لێهاتووییەکانی زمان: قسەکردن، خوێندنەوە، نووسین، و گوێگرتن.
2. وەرگرتنی ئەزموونی کرداری لە وانەوتنەوە لە ڕێگەی پرۆگرامی (Observation and Application) لە قوتابخانەکان.
3. بەکارهێنانی ئینگلیزی وەک ئامرازی پەیوەندیکردن لە بوارە ئەکادیمی و بازرگانی و نێودەوڵەتییەکاندا.
4. وەرگێڕان و ڕاستنووسینی دەق لە نێوان زمانی ئینگلیزی و کوردیدا.
5. پێشکەشکردنی سیمینار و ڕاپۆرتی ئەزموونی کرداری بۆ هاوپۆلان و ماموستایان.

📚 ڕێبازی خوێندن لە بەش

خوێندن لەم بەشە تێکەڵی تیۆری و کرداریی، بە تایبەتی لە ڕێگەی وانەی تایبەت لە پرۆگرامی خوێندن بەناوی (Observation and Application)دا. لەم پرۆسەیەدا قوتابیان ماوەی سێ تا چوار مانگ سەردانی قوتابخانەکان دەکەن و شارەزایی کرداری وەردەگرن، پاشان بە شێوەی سیمینار ئەزموونی خۆیان دەگوازنەوە بۆ ماموستاکانیان.

🌐 زمانی بەکارهاتوو لە بەش

زمانی ئینگلیزی

⌛ ماوەی خوێندن

• ماوەی خوێندن لە بەشی زمانی ئینگلیزی (٢) ساڵی ئەکادیمییە (٤ سمستەر)، بە شێوەی خوێندنی تەواو کات.