پەرستارانی فریاکەوتن ڕۆڵێکی یەکلایکەرەوە هەیە لە چاودێری دەستبەجێ و ڕزگارکەری ژیان لەحاڵەتی ناکاوەکان بۆ نەخۆشەکان لە کاتی بارودۆخە سەختەکاندا کە پێشکەشیان دەکەن.

پەرستارانی فریاکەوتن لێهاتووانە لە ژینگە خێرا و پێشبینینەکراوەکاندا کاردەکەن، وەک یەکەی فریاکەوتن لەناو نەخۆشخانەکانی فریاکەوتن و سەنتەرە فریاگوزاریەکان دا. بەرپرسیارێتی سەرەکی ئەوان هەڵسەنگاندن و سەقامگیرکردنی ئەو نەخۆشانەیە کە بە چەندین باری لەناکاوی پزیشکییەوە دەگەن، لە برینداربوونی سووکەوە تا حاڵەتە فریاگوزارییە مەترسیدارەکان بۆ سەر ژیانی نەخۆشەکە.

لە دۆخی فریاگوزاریدا، ئەوان لە نزیکەوە هاوکار و هاماهەنگن لەگەڵ هاوپیشەکانیان لەوانەش پزیشکان و پەرستاران و فریاگوزارانی سەرەتایی، بۆ پێشکەشکردنی چاودێریەکی کارا و کاریگەر. پەرستارانی فریاکەوتن بە باشی شارەزایان لە ڕێکارە پزیشکییە جیاوازەکان هەیە ، وەک بەکارهێنانی دەرمان و دابینکردنی چاودێری برین و چاودێری کردنی بارە نەخوازراوەکانی وەک شکان و سوتان، هەموو ئەمانە لە کاتێکدا کەبە خێرایی نەخۆشەکان بەپێی توندی بارودۆخەکانیان هەڵیاندەبژێرن.

قوتابیان/خوێندکاران لە بەشی پەرستاری فریاکەوتن ڕادەهێندرێن بە شێوازی پڕاکتیکی لەناو تاقیگە پێشکەوتووەکانی پەیمانگا و نەخۆشخانەکان بۆ ئەوەی بتوانن هەڵسوکەوت لەگەڵ نەخۆشەکاندا بکەن، دەرچووانی بەشی پەرستاری فریاکەوتن دەتوانن لە نەخۆشخانە گشتی و تایبەتییەکاندا وەکو پەرستارانی فریاکەوتن کار بکەن.

• • خوێندن بۆ ماوەی (٢) ساڵە دەرچووانی ئەم بەشە بڕوانامەی دبلۆمی تەکنیکی زانستی لە بەشی پەرستاری فریاکەوتن وەردەگرن.
  • دەرچووانی پۆلی (١٢) ئامادەیی لقی زانستی وەردەگیرێن
  • کرێی خوێندنی ساڵانە بە (پێنج) پشک (قیست) دەدرێت پێی ڕێنمایی پەیمانگەمان.