کۆمپیوتەر و نێتوۆرک
وردەکارییەکانی بەش
i
پێناسەی بەش
زانستی کۆمپیوتەر و تەکنەلۆجیای زانیاری بە پیشەی هەمیشەیی ئێستا و داهاتوو دادەنرێت! پیشەیەکى پڕ لە وزەی داهێنان و هێزی ئاسانکردنی ژیان، لەبەرئەوەشە ئەم سەدەیە بە سەدەی تەکنەلۆجیا دادەنرێت.
زانستی کۆمپیوتەر و نیتوۆرک رۆژ بەرۆژ دەبێتە پێویستیەکی هەنوکەیی لە هەموو دەزگایەکی فەرمی و نافەرمی، و دەرچووانى ئەم بەشە ئامادە و راهێنراو دەبن بۆ کارکردن لەکەرتى گشتى و کەرتى تایبەت، و بازاڕى کار بەشێوەیەکى فراوان بۆ ئەم بەشە کراوە دەبێت.
کۆمپیوتەر و نێتوۆرک زانستێکی سەردەمیانەو چالاکە لە بوارەکانی ژیان. قوتابیان لە کاتی خوێندنیان فێری زانستی تەکنەلۆجیا دەکرێن و فێری دروستکردنی پرۆژەى ئەلیکترونی و تۆڕەکانی کۆمپیوتەر دەکرێن، هەروەها چۆنیەتی پێکەوە گرێدانى هێڵەکانی ئینتەرنێت و چەندین زانستی نوێی تەکنەلۆجیا، بە بەکارهێنانی تاقیگەی کۆمپیوتەر و تاقیگەی تایبەت بە نێتوۆرک.
- دەرچووانى بەشى کۆمپیوتەر و نێتوۆرک لە پەیمانگەى تەکنیکى پایتەخت – تایبەت، بەپێى ڕێنمایەکانى وەزارەتى خوێندنى باڵا و توێژینەوەى زانستى، بەشیان هەیە لە بەشى کۆمپیوتەر و نێتوۆرک و دەتوانن بۆ بەدەستهێنانى بڕوانامەى بەکالۆریۆس درێژە بە خوێندن بدەن.
- دەرچووانی پۆلی (١٢)ی ئامادەیى (زانستی، پیشەیى چاککردنەوەى کۆمپیوتەر) لە دەوامی بەیانیان وەردەگیرێن. کرێی خوێندنی ساڵانە بە (پێنج) پشک (قیست) دەدرێت بە پێی ڕێنماییەکانی پەیمانگاکەمان.
★
دیدی بەش
بوون بە یەکێک لە باشترین ناوەندەکانی پەروەردەی زانستی کۆمپیوتەر و نێتوۆرک لە هەرێمی کوردستان، کە دەرچووانێکی شارەزا و کارامە پەروەردە دەکات کە بتوانن بەشداری چالاک بکەن لە گەشەپێدانی تەکنەلۆجیای زانیاری و دابینکردنی پێداویستییەکانی بازاڕی کار لە هەرێم و دەرەوەی هەرێم.
🎯
ئەرکی بەش
پێشکەشکردنی پەروەردەیەکی کوالیتی بەرز و کرداری لە بواری زانستی کۆمپیوتەر و نێتوۆرکدا، کە قوتابیان چەکدار دەکات بە زانیاری تیۆری و لێهاتووی کرداری پێویست بۆ دیزاین، بەڕێوەبردن و چاککردنەوەی سیستەمە کۆمپیوتەرییەکان و تۆڕەکان، لەگەڵ بەهێزکردنی ڕۆحی داهێنان و کارکردنی تیمی.
✓
دەرئەنجامەکانی فێربوون لە بەش
- پیشاندانی تێگەیشتنێکی دامەزراو لە بنەماکانی زانستی کۆمپیوتەر، پرۆگرامسازی، و تۆڕەکانی کۆمپیوتەر.
- دیزاینکردن، دامەزراندن، و بەڕێوەبردنی تۆڕە کۆمپیوتەرییەکان بە شێوەیەکی سەلامەت و کارا.
- دروستکردن و گەشەپێدانی پرۆژەی ئەلیکترۆنی و ئەپلیکەیشنی کۆمپیوتەری بە بەکارهێنانی زمانە پرۆگرامسازییەکان.
- شیکردنەوە و چارەسەرکردنی کێشەکانی تەکنیکی پەیوەست بە ڕایانەکان و تۆڕەکان.
- بەکارهێنانی بنەماکانی سەلامەتی زانیاری بۆ پاراستنی سیستەم و داتاکان.
📚
ڕێبازی خوێندن لە بەش
پرۆسەی بۆلۆنیا.
🌐
زمانی بەکارهاتوو لە بەش
زمانی ئینگلیزی
⌛
ماوەی خوێندن
- ماوەی خوێندن لە بەشی کۆمپیوتەر و نێتوۆرک (٢) ساڵی ئەکادیمییە (٤ سمستەر)، بە شێوەی خوێندنی تەواو کات.