رۆژی ئاڵای کوردستان لە پەیمانگای تەکنیکی پایتەخت پیرۆز کرا

رۆژی ئاڵای کوردستان لە پەیمانگای تەکنیکی پایتەخت پیرۆز کرا
لە رۆژی ١٧/١٢/٢٠١٨ لە پەیمانگەی تەکنیکی پایتەخت لە شاری هەولێر، بە ئامادەبوونی راگرو سەرۆک بەشەکان و مامۆستایان و قوتابیان و خوێندکارانی پەیمانگە رۆژی ئاڵای کوردستان پیرۆز کرا.
لە مەڕاسیمێکدا لە پەیمانگەی تەکنیکی پایتەخت بە بۆنەی رۆژی ئاڵای کوردستان رێکخرابوو وتاری دکتۆر فاتح صابر عەزیز راگری پەیمانگای تەکنیکی پایتەخت پێشکەشکرا و ژمارەیەک لە قوتابیان و خوێندکاران هۆنراوەی تایبەت بە رۆژی ئاڵای کوردستان خوێنرانەوە. هەر لە مەڕاسمیەکەدا سمینارێک لە لایەن مامۆستا هۆشمەند رەفیق لە بارەی مێژووی ئاڵای کوردستان و هێمای نەتەوەی کورد لە ئاڵاکانی دەوڵەتی عێراق پێشکەشکرا، مامۆستا هۆشمەند لە سمینارەکەیدا تیشکی خستەسەر یاساکانی پەرلەمانی کوردستان و بڕیارەکانی سەرۆکایەتی هەرێمی کوردستان و ئەنجومەنی وەزیران سەبارەت بە یاسای ئاڵای کوردستان و رۆژی ئاڵای کوردستان لە هەرێمی کوردستان و شێوازەکانی بەکارهێنانی ئاڵا بە پێی یاسا، پاشان ئاڵای کوردستان لەگەڵ گوتنەوەی سروودی نەتەوەیی ئەی رەقیب شەکایەوە.
شیاوی باسە لە خوێندنی ئێوارانیش کە قوتابیانی بەشەکانی کارگێڕی کار و ژمێریاری و زمانی ئینگلیزی دەوامی تیا دەکەن بە ئامادەبونی بەڕێز دکتۆر سەردار محمد رشید سەرۆکی دەستەی ئەمیندارانی پەیمانگای تەکنیکی پایتەخت و بەڕێز ئامانج یونس ئەندامی دەستەی ئەمیندارانی پەیمانگای تەکنیکی پایتەخت و سەرۆک بەشەکانی زمانی ئینگلیزی و کارگێڕی کارو مامۆستایان و قوتابیان و خوێندکاران مەڕاسیمێک بەو بۆنەیەوە رێکخراو ژمارەیەک شیعرو پەخشان خوێنرایەوەو سمینارێک بە هەمان مەبەست لە لایەن مامۆستا هۆشمەند رفیق پێشکەشکرا.

Leave a Message

USAHungary