سمینارێکی هاوبەش لە بارەی تیرۆری ئابووری خانمان سازکرا

سمینارێکی هاوبەش لە بارەی تیرۆری ئابووری خانمان لە پەیمانگای تەکنیکی پایتەخت سازکرا

لە رۆژی چوارشەممە رێکەوتی ٢٨/١١/٢٠١٨ لە بەشەکانی خوێندنی ئێوارانی پەیمانگای تەکنیکی پایتەخت لە درێژەی کاروچالاکییەکانی تایبەت بە ١٦ رۆژەی بەرەنگاربونەوەی توندوتیژی دژ بە ئافرەتان سمینارێکی هاوبەش بۆ هەر یەکە لە مامۆستایان (دلشاد مەحمود صالح و هۆشمەند رەفیق) سازکرا.
لە سمینارکەیاندا مامۆستا هۆشمەند رەفیق باسی لە رووداوە مێژووییەکانی ساڵانی شەستەکانی سەدەی رابردوو کرد کە تیایدا ژنان چۆن پێشێلی مافەکانیان کراوەو دواتر باسی لە چیرۆکی رۆژی ٢٥ی نۆفەمبەری رۆژیی بەرەنگاربونەوەی توندوتیژی دژ بە ئافرەتانکرد، ئینجا بە ووردی لایەنە یاسییە و ئابورییەکانی توندوتیژی دژ بە خانمان کرد، لەلایەکی دیکە مامۆستا هۆشمەند رێگەچارە یاسایی و ئابوورییەکانی تایبەت بە توندوتیژی دژ بە خانمان شیکردەوەو رایگەیاند کە دەبێت هزری ناتوندوتیژی لە کۆمەڵگەی کوردستانی بکرێتە کلتوورو دیاردە نەشیاوەکانی کە وەک کللتووری نەتەوەکانی دەوروبەرمانە نەهێڵین، لە کۆتایی سمینارە هاوبەشەکەدا مامۆستا هۆشمەند گوتی: سەربەخۆنەبونی ئافرەتان لە بواری ئابووریدا، خۆی سەرەکیترین بەهێزترین و کاریگەرترین هەنگاوی توندوتیژی نواندنە دژ بە ئافرەتان.
لە بەشێکی دیکەی سمینارە هاوبەشەکەدا مامۆستا دڵشاد مەحمود لە داتاو زانیارییەکانی تایبەت بە توندوتیژی خستەڕوو بە ووردی شیکاری بۆ حاڵەتەکانی کوشتن و خۆسوتاندن و دەستدرێژی و سکاڵاکانی تایبەت بە ئافرەتان لە سێ ساڵی رابردوو کرد، هەروەها ئاماژە نەرێنیەکانی ئەو سێ ساڵەی بۆ ئامادەبووان باسکردو دوایکرد هەرچی زوورە میدیاکانی کوردستان و زانایانی ئایینی و رۆشنبیران بە ئەرکی خۆیان هەڵسن لە بڵاوکردنەوەی هۆشیاری لە کۆمەڵگەدا.

 

Leave a Message

USAHungary